تحميل برامج العاب تنزيل جوال تصميم برنامج جوال موبايل شرح دروس منتديات عربو

[ابو فلسطين]

تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟

قالت لهن باركولي تزوجت.

قالو مبروك يامديرة ولكن منهو زوجك ؟.

قالت لهم بصراحة زوجي هو زوج إحداكن.

المدرسات تكفين علميننا أي وحدة منا ؟

قالت المديرة والله ما أعلمكم.

المهم لزمن عليها فقالت لهم أنا ماني متكلمة
اللي تبي تعرف هل هو زوجها وإلا لا تجيب بكره معها خمس مئة ريال وإذا جت تحط الخمس مئة على الطاوله واللي آخذ فلوسها فهي مهو زوجها واللي أخلي فلوسها على الطاولة ولا آخذها فهو زوجها عيب علي اتزوج زوجها وآخذ بعد منها خمس مئة ريال .

وافقن المدرسات على الطريقة.

ويوم جاء بكره وكل وحدة مزهبه معها الدراهم.

جت الأوله والثانية والثالثة والرابعة حتى العاشرة والمديرة تاخذ الدراهم .

يوم جت المدرسة الـ 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمس مئة قالت المديرة أووووووووووووه معليش أثرك أنتي جواهر والله اني آسفه غلطت يوم تنفست المدرسة وقالت الحمد لله يعني بتاخذين الفلوس المهم اخذتها المديرة .

ودخلن بقية المدرسات حتى الـ 23 والمديرة تلعب باعصاب كل وحده وفي النهاية تاخذ الخمس مئة

المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه وماني جايه .
قالت المدرسة الغايبة : هاه من صار زوجها اللي متزوج المديرة ؟

قالو لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي )
وقالو المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة انها ماهي هي وبدو يسمون على المدرسة الـ 24 عشان ماتنصدم .

دخلت المدرسة الأخيرة غرفة المديرة وحطت باقي المدرسات ايديهن على قلوبهن وحطت المدرسة الخمس مئة على الطاولة وضفتها المديرة

يوم طلعت لقوها عايدية وماصار شي وفلوسها أخذتها المديرة .

قالو يابنات فيه وحده منكن ماخذت المديرة دراهمها ؟

قالو لا والله كلنا اخذت دراهمنا

ودخلن المدرسات على المديرة وقالو اخذتي الفلوس من كل المدرسات تلعبين علينا منهو زوجك ؟

قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين . ولكني اطلبكم قبل شهر تدفعون على مـئــة ريال نصلح المصلى ولا وحدة منكن دفعت قلت والله لأدفعكن 500 ريال نصلح المصلى ونشتري مصاحف وقف للمسجد .

قالو المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا.

--------------------------------------------------------------------------------