تحميل برامج العاب تنزيل جوال تصميم برنامج جوال موبايل شرح دروس منتديات عربو

[ابو فلسطين]

اهلين كلو نفر كيف هال انتا واهد واهد
اول مررررره اهس انا فيه فوراق كتير هزا نفرات مال قمه

يا زين الرطل بالسيرلنكي
اخوكم ابتعث بقدرة قادر الى سيرلنكا
ومن كثر ما حبيت هرجهم قلت احاتسيكم به عشان تعرفون اني منيب بسيط
البعثه كانت على نفقتي الخاصه بتوصيه من
مدير ادارت الدجه قسم الهملش
وخوينا المدير جعله الصمخ من حبه فيني دزني لديرة الشاهي السرلنكي
وعينت خير هناك لولا بعض المشكل واستانست ورقصت مع ال ابو درقم درقم
على انغام تتم تيييه هيلي هيييييه تورا باتا هيلي كي
والله يا عندهم نسوان عليهن شعور تقول سلوك بواجي ددسن
تسعه وسبعين وسوادها زي الليل مغطيه اردافهن كل ابوها كامله مهيب منقوصه
يعني تحسبهن من غير ردوف من طول شعرهن ما تعرف انهن بردوف الا الى منك
تمقلت زين وبتلاحظ ان به طعس طامرن الشعر من فوقه
لكن سيقانهن نحيفه وعضودهن ما يتوسد بهن
وكلحهن ما هنيا زود عن ربعنا لكن نفوسهن اطيب
واخلاقهن ذربه ويقدرن الرجاجيل حتى انهن يدفعن المهر للرجال
ويمسدن خشته وكراعينه بزيت زيتون طلبيه خاصه من زود الطاعه

اول ما حطينا في مطارهم بالعاصمه جاكرتا وناظرت من الدريشه هليت العبره
قلت يالله اني في وجهك واش ردات هالحض
العالم تصيف بباريس وانا مرسول من وجه العنز ابو سنون صفر لسيرلنكا
اراجع في معامله له في محكمت شنقهاي
نشفو ريقه عشان يزينون له حجه على ارضه اللي دون الافلاج

نزلت من النفاره وانا مسنع خشتي ومنسف القذله والبيب بيدي تسني وزير تربية المتنقلات
ولابسن هاك البدله المحومره والجلك المخوظر ومتشنق بكرفته بحلدزي
لونها بمبري ومخططه باصفر عشان تركب مع هالطخمه السنعه
وكاشخ بزبيريه جديده ولا وعيت الا وانا
مشنقل بالصاله وطايحن طيحتن قشرا وبيبي توي منطلدز
والدبلماسيه مزحلقه وانا منزحق على بطني تقل داب
اثر ملاعين الصلايب حاطين مطبات بارض المطار عشان الركاب يهدون
السرعه ولا يكيمون الطبلون خوفن من الحوادث ومصادم
التماسيح بسكنياتهم السود

تلفت حولي وانا منسدح عقب ما وقفت بعد زحلقه بطنيه طويله على بلاطهم الامحق
واعاين الا وبيبي منطل باخر الدنيا والشنطه الدبلماسيه منفتحه وهافاتي منطله منا ومناك
والبلا اني قد شريت من الديره من واحدن لبناني اطخم هافات من ذي الصغار
اللي تغطي شي وتخلي شيات يقلون لها مستسلبات
عشانها تسلب لبوب الغرانيق نصحني فيهن ابو شكيم وقال لك والله يا خارج
هالشي بيلبء عليك ورح يخلي جسمك يسحر ورح
يخنء أي حاجه تحاول تفضحك بين السيرلنكيين وفوء هيدا رح يصلب طولك
قصر الهرج ان هالمستسلبات الملونه تنثرن بالارض وتفشلت فشله من ربع الشيخه حسيله ريستهم
وكلن يعايني بنص عين ويخزني والله العالم ان تسان منيب واهم
ان بعضهم قام يسبل عويناته ويغمز يحسب اني من الرخوم اللي ايسي ديسي

لملمت عفوشي وصكيت دبلماسيتي وشلت بيبي وحطيت رجلي لم ابو الختوم
عشان يبصم عالجواز الخظر واول ما عكنن علي شغاله صافتن وراي
تبتسي من الفرحه يوم انها رجعت لاهلها ويوم عاينت جوازي وخشتي
وعرفت اني سعودي دقتني بظهري ثم اقرصتني ذيك القرصه الا وانا اطير واوقع
اطير واوقع من الضيم والتفت علاها وانا راكبني الف شيطان الا وهي مبحلقه تسنها ثورن هايج
قلت علامتس يا مره جعلتس الماحي اللي يمحى صنادحتس
والله يا وجه العنز لو ما الشرهه اني ضربت مره
لاتوطى وجهتس بالزبيريه لا بارك الله في هالوجه
الا يوم قامت تصيح وتقول انتا سعودي كله هومار تعني حمار كله حرمه مال
انتا سعودي مجرم هزا ما فيه بني ادم هزا كلوه هرمه سعودي
شيطان كبير قلت عز الله انتس حول علم اما بذي انا اشهد
انهن وجيه فلس فشلونا معكم يالسنافيه لكن الشكوى لله
عسى ما طولتي عند صخلت بقعا اللي ما تخاف الله
العبوس الضبوس فقاعت النفوس سبب حرب البسوس
صاحت من قلب وقالت انا فيه واحد سنه شغل مع هرمه سعوديه
مجنونه على طول فيه ضرب على طول فيه شخري
قلت لعن ابو خامستس واش عرفتس بالشخري
قالت انا معلوم انا يسمع بابا على طول زعلان وعلى طول كلام
ايس هزا هرمه شخري شخري شخري
قلت امحق علم فضحونا صخال بقعا بالعالم لا بارتس الله فيهن
والله يا سمعتنا واصله للنعال بسبايبهن وبسبايب علومهن وشين اخلاقهن


الحين تعبت من الحتسي وباعود اعطيكم العلوم ان تسان ان شليويح
ما سلفني دراهم اهج لديرتن سنعه حيث انه مواعدني بسلفيه على الدفتر
اروح افلها ثم اجمع قرش على قرش واسد حلدزه بدراهمه عقب ما اطرب راسي

امحق علوم والله ان تجيكم لوعت التسبد